كايرو جيت لايت
«آخر رسالة» قصيدة للشاعرة سعاد حسن
لسة فاكره آخر رسالة كتبتهاله
كنت بتمنى ساعتها يرجع لمكانه
لسة فاكره كل كلمة قولتهاله
كنت كتباها عشان يحس بقلبي اللي خانه
قولت ساعتها خلاص هيحس ويقولي راجع
أصل كلامي ساعتها ليه كان يصحي المواجع
إقرأ المزيد| فلسطين عربية
أتاريني كنت بكتب لقلب حجر
عمره ما حب ولا حس، ليه بيا غدر؟
بصيت ساعتها لكل سطر كتبتهوله
كنت عارفة أن ده آخر كلام هقولهوله
يا خسارة على الكلام اللي طلع من القلب
إقرأ المزيد| مصر وطن للجميع
يا خسارة على قلبي اللي في يوم حب
حتى لو فكرت في يوم ترد
قلبي خلاص اتعلم إزاي يهد
ما أنت هديت كل حاجة بينا زمان
عايزني ليه اتعشم فيك بعد فوات الأوان
هطوي الرسايل اللي بينا كلها
وهقول عليك ده ماضي وإنتهي
وكل ما أحن ليك، هبص على آخر رسالة كتبتها
قصيدة آخر رسالة
بقلم|سعاد حسن
