قصيدة ليالي المطر للشاعرة نور جودة (فيديو)
قصيدة ليالي المطر :
في ليلة من ليالي المطر
وسط الريح ورعشة الشجر
في ليلة سكات من بعد ليالي حروب
لما الشمس استسلمت للغروب
ولما القمر إستعد للظهور
وهو في ركن بعيد وحيد مكسور
أن بكي تملي دموعه بحور
وإن حكي تملي حكاويه ولا ألف كتاب
القلب شاب والعمر لسة شباب
وسط البكا لمح قلبه صبية بهية
أجمل من القمر
سألها عن الدوا
أصل دواها غنا..
وصوتها بيطيب البشر
غنت الجميلة وقالت:
أهو ده اللي صار
ودي اللي كان
ملكش حق
ملكش حق
تلوم عليا
بص الجدع في عيونها وشرد
وسرد.. من الوجع
وشوشت الصبية الودع
قالوا الحب ما له معاد
الحب مرض بيصيب البشر
قلبك لين.. صابه البعاد
أصبح حجر
حجرك هش مليته الشروخ
عايش لكن.. بدون روح
روحك هجت.. لودعهم
مكتوب عليك تبقي أسير
مكتوب عليك تتألم.. لفراقهم
نزلت دموع الصبية
وهي بتهمس في ودعها
المكتوب في يوم راح يصيب
أسأل مجرب ولا تسأل في يوم طبيب
و .نا
رمادية فاتحة اللون
وفراق الحبيب
جرح.. ما بيطيب
وعلاج القلوب الغنا
ولكل مشتاق نصيب
سرح الصبي وابتسم
وبصوت ملاه النغم
غني…
أهو ده اللي صار
ودي اللي كان
ملكش حق
ملكش حق تلوم عليا
قصيدة ليالي المطر
الشاعرة| نور جودة
