«أنت غلطان في العنوان» قصيدة جديدة للشاعرة سعاد حسن
لما حد يسألك على العنوان ابقى أديهم عنواني
قلهم ده عنوان العبيطة اللي كانت مصدقاني
قلهم كانت من أقل كلمة عارفة طبعي ومريحاني
ولما كنت بزعلها كنت براضيها في ثواني
إقرأ المزيد| آخر رسالة
كانت بايعة كل الدنيا وشرياني
كانت في فرحي على طول سبقاني
قلهم دي ضحت بكل حاجة حلوة علشاني
ممكن يستغربوا ساعتها
ويقولولك.. هو أنت ليه بعتها وجرحتها وبإيدك دي كسرت قلبها
قلهم أصل أنا مليش في الطيب نصيب
أعرف أجرح معرفش أكون طبيب
لا.. أنت غلطان في العنوان
اللي أنت بتتكلم عنها دي كانت زمان
هي عرفت خلاص أزاي متديش لحد الأمان
إقرأ المزيد| بلادي البعيدة
هي فاقت بس بعد فوات الأوان
برافو عليك أنت معلم.. قسوتك خلتها عرفت تعبر وتتكلم
برافو عليك أنت استاذ.. هتاخد على أيدي تقدير امتياز
بس أنا كمان اتعلمت وفهمت.. وخلاص هتخرج أهو من مدرسة الحياة
وهتيجي تدور على قلبي تاني مش راح تلقاه
هتلاقي عنوان وقلب حد تاني
على أيدك كره الحياة
أنت غلطان في العنوان
بقلم| سعاد حسن
